-  Цагдаагийн байгууллага үүсч байгуулагдсаны 89 жилийн ойг тохиолдуулан ЦЕГ-ын Цагдаа, олон нийтийн сургалт, соёлын төвийн "Сүлд" чуулгын алба хаагч, уран бүтээлчдийн хүндэтгэлийн концерт 2010 оны 07 дугаар сарын 19-ний өдөр Соёлын төв өргөөнд болж өндөрлөв.

- Цагдаа, дотоодын цэргийн байгууллагын тэмдэглэлт өдрийг тохиолдуулан ард олныхоо амгалан тайван амьдралын төлөө хүч хөдөлмөрөө зориулж ирсэн үе үеийн ахмад буурлууд, үйл хэргийг нь нэр төртэй залгамжлан хүчин зүтгэж байгаа нийт алба хаагчид, тэдний гэр бүлийнхэн,  хамтран ажилладаг байгууллага, хамт олон, иргэд та бүхэнд чин сэтгэлийн баярын мэндчилгээ дэвшүүлье.

- Монгол төрийн цагдаагийн байгууллага иргэдийнхээ амар тайван байдлыг хангах, гэмт явдалтай тэмцэх, түүнээс урьдчилан сэргийлэх, нийгмийн хэв журам хамгаалах үүргээ иргэд, олон нийтийн дэмжлэг туслалцаанд түшиглэн ямагт нэр төртэй биелүүлж ирснийг баярын энэ өдөр тэмдэглэхэд таатай байна.

- Цагдаа, дотоодын цэргийн байгууллагын бие бүрэлдэхүүн ямар ч цаг үед өргөсөн тангарагтаа үнэнчээр зүтгэж, төрөө түвшин, түмэн олноо амар амгалан байлгахын төлөө уйгагүй хөдөлмөрлөж, хичээл зүтгэл гарган ажиллаж ирсэн билээ.

- Иргэд, олон нийтэд үзүүлж буй ажил, үйлчилгээ нь нийгмийн хөгжлийн эрэлт хэрэгцээ, шаардлагад нийцсэн, хуулийг дээдлэн, хүний эрхийг хамгаалж, амар тайван амьдралын баталгааг хангасан тэргүүлэх байгууллага болох зорилт дэвшүүлэн хэрэгжүүлж байна.

- Цагдаа, дотоодын цэргийн байгууллагын бие бүрэлдэхүүн хуулиар хүлээсэн үүрэг, өмнөө тавьсан зорилгоо нэр төртэй биелүүлнэ гэдэгт итгэл төгс байгаагаа илэрхийлэхийн ялдамд Та бүхэнд  эрүүл энх, сайн сайхныг хүсэн ерөөе.