-   Үндэсний Их баяр наадам, Их Монгол Улс байгуулагдсаны 804, Ардын Хувьсгалын 89 жилийн ойн  үндэсний бөх, хурдан морины уралдаан,  сур харвааны наадамд амжилттай оролцсон цагдаагийн алба хаагч, иргэдийг ЦЕГ-ын дарга, хошууч генерал Д.Сандаг-Очир хүлээн авч уулзаж, баяр хүргэв.

-  Үндэсний бөхийн их шөвөгт 3 удаа үлдсэн Биеийн тамир, спортын "Хүч" хорооны тамирчин, цагдаагийн ахмад  Х.Мөнхбаатарыг  цагдаагийн хошууч цолоор,

- Улсын начин цол хүртсэн Дотоодын цэргийн 816 дугаар тусгай салбарын харуулчин, ахлах ахлагч Б.Заяамандахыг цагдаагийн дэслэгч цолоор,

- Буриад сурын харваанд тэргүүн байр эзэлсэн Хөдөлгөөнт эргүүлийн газрын 4 дүгээр хэлтсийн эргүүлийн офицер, цагдаагийн ахлах дэслэгч Ц. Баасанхүүг цагдаагийн ахмад цолоор,

- Үндэсний бөхийн их шөвөгт үлдсэн Хөдөлгөөнт эргүүлийн газрын офицер, цагдаагийн хошууч Д.Рагчаа, цагдаагийн хурдан морины галын уяач цагдаагийн хурандаа А.Эрдэнэбаяр нарыг "Спортын алдар" тэмдгээр,

- Үндэсний бөхийн дунд шөвөгт үлдсэн Биеийн тамир, спортын "Хүч" хорооны тамирчин, цагдаагийн ахмад Н.Ганбаатар, цагдаагийн байгууллагын хурдан морины галын уяач С.Хэрлэн, соёолон насны морь унаж айрагдсан Б.Нямсүрэн, Үндэсний сур харваанд шагналт байр эзэлсэн ОХУ-ын Москвагийн их сургуулийн адъюнкт, цагдаагийн хошууч Н.Ганбадрал нарыг тус тус шагнаж, амжилт хүссэн байна.