/ Мэдээ мэдээлэл / Цаг үе үйл явдал / МОНГОЛЫН ХУУЛЬЧ ЭРДЭМТДИЙН ҮНДЭСНИЙ АНХДУГААР ЧУУЛГАНЫГ ТАВДУГААР САРД ЗОХИОН БАЙГУУЛАХААР БОЛЖЭЭ.

МОНГОЛЫН ХУУЛЬЧ ЭРДЭМТДИЙН ҮНДЭСНИЙ АНХДУГААР ЧУУЛГАНЫГ ТАВДУГААР САРД ЗОХИОН БАЙГУУЛАХААР БОЛЖЭЭ.

 

ХЗДХ-ийн сайд С.Бямбацогтын санаачилгаар Монголын хуульч эрдэмтдийн үндэсний Анхдугаар чуулганыг тавдугаар сард зохион байгуулахаар болжээ. Энэхүү чуулганыг зохион байгуулах ажлын хэсгийг ХЗДХ-ийн Төрийн нарийн бичгийн дарга Г.Баясгалан ахалж байгаа юм.

 

Ажлын хэсэг өнөөдөр хуралдаж, чуулганы зохион байгуулалтын талаар санал солилцов. Хуульч эрдэмтдийн анхдугаар чуулганыг зохион байгуулснаар салбарын эрдэмтдийн харилцаа холбоо бэхжиж, эрдэмтэн судлаачдын бүтээлийг олон нийтэд таниулах, тэдний дуу хоолой, оюуны нөөц боломжийг ашиглах боломж нээгдэж байгаа юм.

Чуулганы үеэр хуульч, эрдэмтдийн бүтээлийн үзэсгэлэн гарах ажээ. Чуулганы агуулга, ач холбогдлын талаар ажлын хэсгийн гишүүдээс сэтгэгдлийг нь сонслоо.

Монголын хуульчдын холбооны ерөнхийлөгч Б.Гүнбилэг:  Хуульч эрдэмтдийн чуулганыг анх удаагаа зохион байгуулах гэж байна. Монголын түүхэнд 1960 оны сүүлээс хууль зүйн салбараас төрөх эрдэмтдийн гараа эхэлсэн. Эхнийх нь эрүүгийн эрх зүйн чиглэлээр эрдмийн зэрэг хамгаалж байсан. Үүнээс хойш Монгол Улс нийт 160 гаруй хууль зүйн салбарын эрдэмтэнтэй болжээ. Үүнээс 16 нь хууль зүйн шинжлэх ухааны докторын зэрэг хамгаалсан. ХЗДХЯ-аас эрдэмтдийнхээ дуу хоолойг сонсох, бүтээлийг нь таньж мэдэх зорилготойгоор чуулга уулзалтыг зохион байгуулах гэж байна.  Монголын хуульчдын холбооны зүгээс энэ үйл ажиллагаанд хамтран оролцож, бүх талаар дэмжиж ажиллана.

МУИС-ийн Хууль зүйн сургуулийн захирал Ж.Эрдэнэбулган: Монголын хуульч эрдэмтдийн анхдугаар чуулганыг ХЗДХЯ санаачилж зохион байгуулж байгаа нь их ач холбогдолтой. Монголын хуульч, эрдэмтэд нийгмийн харилцааг зохицуулж байгаа гол хуулиудын шинжлэх ухааны үндэслэлийг гаргаж ирэх үүрэгтэй.

Одоогийн байдлаар манайд дэд эрдэмтэн, боловсролын докторын зэрэг хамгаалсан 160 гаруй эрдэмтэд байна. 16 шинжлэх ухааны доктор, хоёр академичтай.

Энэ нөөц бололцоог хууль зүйн салбарт, хууль зүйн шинжлэх ухааныг  хөгжүүлэхэд зайлшгүй ашиглах ёстой. Эдгээр эрдэмтэд дотор тодорхой салбараар мэргэшсэн хүмүүс ч бий.

Манай сургуулийн зүгээс бүтээлийг зөвхөн хэвлээд өнгөрөх биш нийтэд түгээн дэлгэрүүлэх, гол хуулиуд дээр эрдэмтдийн саналыг оруулах чиглэлд анхаарч байна. 

 

Эх сурвалж: ХЗДХЯ

Статистик мэдээ
  • 2017 оны 2 дугаар сар
    Гомдол мэдээлэл: 34784
    Гэмт хэрэг: 2079
    Захиргааны зөрчил: 102207
    Согтуугаар саатуулагдсан: 6568
  • 2017 оны 1 дүгээр сар
    Гомдол мэдээлэл: 45607
    Гэмт хэрэг: 2773
    Захиргааны зөрчил: 121481
    Согтуугаар саатуулагдсан: 7508
  • 2016 оны 12 дугаар сар
    Гомдол мэдээлэл: 44333
    Гэмт хэрэг: 2072
    Захиргааны зөрчил: 93549
    Согтуугаар саатуулагдсан: 8342
  • 2016 оны 10 дугаар сар
    Гомдол мэдээлэл: 41378
    Гэмт хэрэг: 2243
    Захиргааны зөрчил: 94916
    Согтуугаар саатуулагдсан: 6820
  • 2016 оны 11 дүгээр сар
    Гомдол мэдээлэл: 41325
    Гэмт хэрэг: 2485
    Захиргааны зөрчил: 93857
    Согтуугаар саатуулагдсан: 7248
Эрэн сурвалжилж байна