/ / “МАНСУУРУУЛАХ, СЭТГЭЦЭД НӨЛӨӨЛӨХ БОДИСЫН ХУУЛЬ БУС ЭРГЭЛТТЭЙ ТЭМЦЭХ” ТӨСӨЛ ХЭРЭГЖҮҮЛНЭ

“МАНСУУРУУЛАХ, СЭТГЭЦЭД НӨЛӨӨЛӨХ БОДИСЫН ХУУЛЬ БУС ЭРГЭЛТТЭЙ ТЭМЦЭХ” ТӨСӨЛ ХЭРЭГЖҮҮЛНЭ

Бүгд Найрамдах Солонгос Улсын Ерөнхий прокурорын газрын Мансууруулах бодистой тэмцэх албаны төлөөлөгчид тус албанаас Монгол Улсын цагдаагийн байгууллагатай хамтран хэрэгжүүлэх “Мансууруулах, сэтгэцэд нөлөөлөх бодисын хууль бус эргэлттэй тэмцэх” төслийн бэлтгэл ажлыг хангах, нөхцөл байдлын судалгаа хийх, төслийн үндэслэлийг тодорхойлох зорилгоор 2017 оны 4 дүгээр сарын 10-наас 14-ний өдрүүдэд Цагдаагийн ерөнхий газарт айлчиллаа.

Мансууруулах бодистой тэмцэх албаны төлөөлөгчдийг Хууль зүй, дотоод хэргийн яамны Гэмт хэргээс урьдчилан сэргийлэх ажлыг зохицуулах зөвлөлийн Ажлын албаны дарга Л.Нямгэрэл, Цагдаагийн ерөнхий газрын Тэргүүн дэд дарга, цагдаагийн хурандаа П.Батбаатар нар тус тус хүлээн авч уулзаж хамтын ажиллагааны талаар санал солилцов.

Айлчлалын хугацаанд Бүгд Найрамдах Солонгос Улсын Ерөнхий прокурорын газрын ахлах мөрдөн байцаагч Ким Жин-Хак тэргүүтэй төлөөлөгчид Монгол Улсын цагдаагийн байгууллагын мансууруулах, сэтгэцэд нөлөөт бодисын хууль бус эргэлттэй тэмцэх чиг үүрэг бүхий алба, нэгж болон Сургалтын нэгдсэн төвд зочилж, үйл ажиллагаатай нь танилцлаа.

“Мансууруулах, сэтгэцэд нөлөөлөх бодисын хууль бус эргэлттэй тэмцэх” төслийн хүрээнд БНСУ-ын Ерөнхий прокурорын газрын Мансууруулах бодистой тэмцэх албанаас Монголын Улсын цагдаагийн байгууллагын алба хаагчдын мансууруулах, сэтгэцэд нөлөөлөх бодисын хууль бус эргэлттэй холбоотой гэмт хэргийг илрүүлэх, мөрдөн шалгах чадавхийг сайжруулах чиглэлээр сургалт, туршлага судлах харилцан айлчлал зэргийг зохион байгуулахаар төлөвлөжээ.

Энэ төрлийн гэмт хэрэгтэй тэмцэхэд ашиглагддаг орчин үеийн техник, тоног төхөөрөмжийг хүлээлгэн өгөхөөс гадна, БНСУ-ын хуримтлуулсан туршлага дээр тулгуурлан мансууруулах, сэтгэцэд нөлөөлөх бодисын хор хөнөөлийн эсрэг сургалт, сурталчилгаа, соён гэгээрүүлэх ажил, арга хэмжээг зохион байгуулахад туслалцаа, дэмжлэг үзүүлэх юм.

Статистик мэдээ
  • 2017 он 8 дугаар сар
    Гомдол мэдээлэл: 14177
    Гэмт хэрэг 3357
    Захиргааны зөрчил 51970
    Эрүүлжүүлэгдсэн хүн: 4561
  • 2017 оны 9 дүгээр сар
    Гомдол мэдээлэл: 12627
    Гэмт хэрэг: 3571
    Зөрчил: 88203
    Эрүүлжүүлэгдсэн хүн: 5919
  • 2017 оны 7 дугаар сар
    Гомдол мэдээлэл: 13305
    Гэмт хэрэг: 2856
    Захиргааны зөрчил: 52731
    Эрүүлжүүлэгдсэн хүн: 6308
  • 2017 оны 6 дугаар сар
    Гомдол мэдээлэл: 23944
    Гэмт хэрэг: 1919
    Захиргааны зөрчил: 121688
    Согтуугаар саатуулагдсан: 7312
  • 2017 оны 5 дугаар сар
    Гомдол мэдээлэл: 31733
    Гэмт хэрэг: 2267
    Захиргааны зөрчил: 134064
    Согтуугаар саатуулагдсан: 7780
Эрэн сурвалжилж байна