/ Мэдээ мэдээлэл / Цаг үе үйл явдал / ХҮҮХДҮҮД ГЭР БҮЛДЭЭ АЗ ЖАРГАЛЫГ Л ХҮСДЭГ

ХҮҮХДҮҮД ГЭР БҮЛДЭЭ АЗ ЖАРГАЛЫГ Л ХҮСДЭГ

ХҮҮХДҮҮД ГЭР БҮЛДЭЭ АЗ ЖАРГАЛЫГ Л ХҮСДЭГ

 

Өнөөдөр дэлхийн Гэр бүлийн өдөр /2017-5-15/ Энэ өдрийг тохиолдуулан хүүхэд бүрийг гэр бүл, нийгмийн ээлтэй орчинд хүчирхийллээс ангид өсөхөд олон нийтийн ойлголт хандлагыг өөрчлөх, нийгмийн амьдралын үнэт нэгж болсон гэр бүл дэх хүүхдийн оролцоог нэмэгдүүлэх үүднээс “Би гэр бүлдээ үүнийг л хүсдэг” хүүхдийн гар зураг, зохион бичлэг, шүлгийн уралдааныг улсын хэмжээнд уламжлал болгон зохион байгуулдаг.

Энэ жилийн уралдааны нэгдүгээр шатанд 5000 гаруй бүтээл ирж, хоёрдугаар шатанд 1000 гаруй бүтээлээс шалгарсан 24 бүтээлийн эздэд шагнал гардуулах ёслолын ажиллагаа өнөөдөр Монголын хүүхдийн ордонд боллоо.

Уралдаанд 19 аймаг, найман дүүргийн 5-18 насны хүүхдүүд бүтээлээ ирүүлсэн бөгөөд тэдний бүтээлээс өнөөгийн улс орны аж байдал, гэр бүл дэх асуудлууд бас хүүхдийн гэгээн ертөнц, хүсэл, мөрөөдлийг тольдож болох аж. Хүүхдүүд гэр бүлдээ аз жаргалыг хүсдэг гэдгээ өөрийн бүтээлдээ шингээжээ.

Гэр бүлийн радио FM-104.5-аас санаачлан Дэлхийн зөн-Монгол олон улсын байгууллагын төлөөлөгчийн газрын “Хүүхдийн хөгжил хамгаалал” хөтөлбөр хамтран уг уралдааныг зохион байгуулж эхэлсэн билээ. 12 дахь жилдээ болсон энэ жилийн уралдааныг Цагдаагийн ерөнхий газар, Гэр бүл, хүүхэд, залуучуудын хөгжлийн газар, Гэр бүлийн радио FM-104.5, Дэлхийн зөн-Монгол олон улсын байгууллага хамтран зохион байгуулсан юм.

Статистик мэдээ
  • 2017 он 8 дугаар сар
    Гомдол мэдээлэл: 14177
    Гэмт хэрэг 3357
    Захиргааны зөрчил 51970
    Эрүүлжүүлэгдсэн хүн: 4561
  • 2017 оны 9 дүгээр сар
    Гомдол мэдээлэл: 12627
    Гэмт хэрэг: 3571
    Зөрчил: 88203
    Эрүүлжүүлэгдсэн хүн: 5919
  • 2017 оны 7 дугаар сар
    Гомдол мэдээлэл: 13305
    Гэмт хэрэг: 2856
    Захиргааны зөрчил: 52731
    Эрүүлжүүлэгдсэн хүн: 6308
  • 2017 оны 6 дугаар сар
    Гомдол мэдээлэл: 23944
    Гэмт хэрэг: 1919
    Захиргааны зөрчил: 121688
    Согтуугаар саатуулагдсан: 7312
  • 2017 оны 5 дугаар сар
    Гомдол мэдээлэл: 31733
    Гэмт хэрэг: 2267
    Захиргааны зөрчил: 134064
    Согтуугаар саатуулагдсан: 7780
Эрэн сурвалжилж байна