/ / СУРГАГЧ АХЛАГЧ Ж.ХАДБААТАР: АЖЛЫН ГАРААГАА ДИПЛОМАТ БАЙГУУЛЛАГУУДЫН ХАМГААЛАЛТ, ШӨНИЙН ЭРГҮҮЛИЙН 808 ДУГААР АНГИАС ЭХЭЛЖ БАЙЛАА.

СУРГАГЧ АХЛАГЧ Ж.ХАДБААТАР: АЖЛЫН ГАРААГАА ДИПЛОМАТ БАЙГУУЛЛАГУУДЫН ХАМГААЛАЛТ, ШӨНИЙН ЭРГҮҮЛИЙН 808 ДУГААР АНГИАС ЭХЭЛЖ БАЙЛАА.

СУРГАГЧ АХЛАГЧ Ж.ХАДБААТАР: АЖЛЫН ГАРААГАА ДИПЛОМАТ БАЙГУУЛЛАГУУДЫН ХАМГААЛАЛТ, ШӨНИЙН ЭРГҮҮЛИЙН 808 ДУГААР АНГИАС ЭХЭЛЖ БАЙЛАА.


Эх сурвалж: Засгийн газрын мэдээ, сэтгүүлч З.Цэлмэг
Гэрэл зурагчин Б.Ганбаяр
Салбар бүрийн манлайлагчдад олгодог Монгол Улсын Засгийн газрын Хүндэт өргөмжлөлийг энэ жил БЗД-ийн Цагдаагийн II хэлтсийн Нийтийн хэв журмыг хамгаалах тасгийн Эргүүлийн цагдаа, жолооч, сургагч ахлагч Ж.Хадбаатар гардан авчээ. Хүн ардынхаа аюулгүй, амгалан тайван байдлын төлөө өргөсөн тангарагтаа үнэнч зүтгэдэг мөрдөстэй эрчүүдийн нэг Ж.Хадбаатартай ярилцлаа.
-Юуны өмнө Хүндэт өргөмжлөл гардаж авсанд баяр хүргэе. Сургагч ахлагч гэж ямар үүрэг гүйцэтгэдэг хүн бэ. Хэдэн жил цагдаагийн албанд зүтгэж байж энэ албанд очдог вэ?
-Баярлалаа. Сургагч ахлагч гэдэг цол өмнө нь байгаагүй. Энэ хавар батлагдсан Цагдаагийн албаны тухай хуульд шинээр орсон цол юм. Хууль ёсоор цагдаагийн албанд 16-аас дээш жил ажилласан, цагдаагийн ахлах бүрэлдэхүүнээс хэлтсүүддээ тус бүр нэг сургагч ахлагчтай болохоор шийдвэрлэсэн. Тэгэхээр манай БЗД-ийн Цагдаагийн II хэлтэст нэг сургагч ахлагч байгаа нь би.
Сургагч ахлагч нарын хийх гол ажил нь ахлагч нарын дундах нийгмийн асуудлыг дээд албан тушаалтнуудад уламжлах, ахлагч нарыг сургаж дадлагажуулах үүрэгтэй.
-Мөрдөсний тэмдэгт нэмэгдсэн гэсэн үг үү?
-Тийм ээ. Доор нь нэг зураас нэмэгдсэн. Нийт дөрвөн зураастай. Үүгээр нь сургагч ахлагчийг танина. Сургагч ахлагчаас гадна тэргүүн ахлагч гэж нэг цол нэмэгдсэн. Энэ нь гэхдээ ерөнхий газрын хэмжээнд нэг байхаар одоохондоо яригдаж байгаа.
-Та энэ салбарт хэчнээн жил ажиллаж байна?
-23 жил зургаан сар ажиллаж байна. Миний төрсөн ах мөн цагдаа байсан. 1993 онд дунд сургуулиа төгсөөд Цагдаагийн академийн дамжаанд суралцаж энэ албанд зүтгэх болсон доо. Ажлын гараагаа Дипломат байгууллагуудын хамгаалалт, шөнийн эргүүлийн 808 дугаар ангиас эхэлж байлаа. Нэг сар шөнийн эргүүлд, нэг сар элчингийн хамгаалалтад гардаг. Тэндээ 1999 он хүртэл ажилласан.
-Хэв журмын цагдаагийн ажлын онцлог нь юу вэ?
-Хэв журмын цагдаа хүнд гэмт хэрэг мөрддөггүй. Эргүүл, үзлэг хийж, урьдчилан сэргийлэх ажил түлхүү хийдэг. Иргэдтэй хамгийн түрүүнд харьцдаг субъект. Өмнө нь хавар болонгуут бид ой, хээрийн түймэр болон шүлхий гэх мэт малын гоц халварт өвчин гарсан үед бид их дайчлагддаг байлаа. 2001 онд Дарь-Эхийн 2 дугаар хороонд шүлхий өвчин гарч, бараг сар шахуу хөл хорионд байсан шүү. Энэ бүхэн хэв журмын цагдаа нарын хүнд хүчир ажилд тооцогддог.
-Иргэдтэй ойр харилцдаг болоод ч тэр үү, хэв журмын цагдаа нарыг харьцаа муутай гэх шүүмжлэл бий. Энэ тал дээр та бүхэн хэр зэрэг анхаардаг вэ?
-Тийм яриа ч бий, тиймэрхүү цагдаа ч мэр сэр байгаа л байх. Энгийн иргэн ч гэсэн цагдаа харьцаа муутай гэсэн ойлголттой болчихсон, энэ муу цагдаа гэх хандлага хааяа гаргана аа. Нөгөөх нь ч би том цагдаа гээд дээрэнгүй ханддаг. Үүнээс болж зөрчил үүсдэг. Уг нь бие биедээ хүлээцтэй хандаж байвал үл ойлголцол гарахгүй байх гэж боддог.

-Хэв журмынхныг хамгийн завгүй ажилладаг алба гэж ойлгодог?
-Тийм шүү. Эргүүл, жижүүрээс буугаад л дараагийн хамгаалалт, эргүүлдээ гарна. Сонгуулийн үеэр л гэхэд жижүүрлэж хоносон атлаа зөөврийн санал хураалтын хамгаалалтад явсан. Сонгуулийн дараа залгуулаад л наадмын билет борлуулах газрууд, үргэлжлүүлээд наадмын талбайд хамгаалалтад гарсан даа. Ер нь сонгуультай жил ачаалал эрс нэмэгддэг. Би цагдаагийн албанд 23 гаруй жил зүтгэхдээ баяраар гэртээ байж үзээгүй. Цагаан сар, шинэ жил, наадмаар үргэлж ажилтай. Ажлын завсар зайгаар л золголтоо амжуулна.
-Цагдаагийн албаны шинэчилсэн хуульд та бүхний нийгмийн асуудалд нэлээд анхаарсан зохицуулалт орсон гэж байсан. Энэ өөрчлөлт таны амьдралд хэр зэрэг мэдрэгдэж байна вэ?
-Өмнөх хуулиудтай харьцуулахад сайн хууль болсон гэж ойлгож байгаа. Тухайлбал, миний хувьд ээлжийн амралтын хугацаа гэхэд бараг хоёр сар болж уртассан. Ээлжийн амралтаа биеэр эдэлж чадахгүй, сонгууль зэрэг үйл явдалд ажиллаж байгаа нөхцөлд ээлжийн амралтын олговрыг хоёр дахин нэмж бодож өгөхөөр болсон. Мөн ажил үүргээ гүйцэтгэж яваад гэмтэж, бэртсэн тохиолдолд эмчилгээний зардлыг 100 хувь улсаас даахаар болсон.
Ер нь доод албан тушаалтнуудаас ч цалин мөнгөний хүрэлцээ, орон байр, зээлтэй холбоотой асуудал хамгийн их ирдэг юм. Надтай адилхан 20 гаруй жил ажилласан хүн ч гэсэн орон сууцны найман хувийн зээлд хамрагдах гээд гүйж байна шүү дээ.
-Хэв журам сахиулахад албан хаагчдын хүрэлцээ хэр дутмаг байдаг вэ?
-Маш дутмаг. Манай дарга нар ч хүн хүч хүрэхгүй байна гэдгийг байнга хэлдэг. Нэг хэсгийн байцаагч 3-4 мянган хүний хооронд ажиллах нормтой. Гэтэл одоо нэг хороонд нэг цагдаа, нэг хэсгийн байцаагч л байна. Хорооны хүн амын тоо 20-30, 30-40 мянга гээд янз янз.
-Таны бодлоор ямар цагдааг хэв журмын сайн цагдаа гэх вэ?
-Уургүй цагдааг л хэлэх байхдаа. Хүний үгийг сайн авахаас гадна муу үгийг чимээгүй өнгөрөөж чаддаг байх хэрэгтэй. Хэлсэн болгоны өөдөөс шөрвөлзөөд л байвал цагдаагийн нэр хүнд унаад л байна шүү дээ.
-Танд тийм тэсгэл алдаж байсан үе бий юу?
-Согтуу эмэгтэй хүн үнэхээр хэцүү. Олигтойхон бариад авах аргагүй. Гарыг нь чангахан мушгиж ч болохгүй. Тэгэхэд эрэгтэй хүнийг бол гавлаад, чирээд явчихна. Эмэгтэй хүнийг чирээд явна гэдэг хэцүү шүү дээ. Ямар тэврэлтэй нь биш. Тэгэж бол бүр ч болохгүй (Инээв).
-Сүүлийн үед эмэгтэйчүүдийн дунд архидалт ихсээд байна. Эрүүлжүүлэхэд хэр их ирдэг бол?
-Тийм ээ, их ирж байна. Манай хэсгийн хувьд ойролцоогоор 2-3 эмэгтэйг өглөө эрүүлжүүлэхээс авчирч байгаа харагддаг. Эрэгтэй нь 10 гаруй. Баярын үеэр нэмэгдэнэ. Харин Зөрчлийн хуулиар энэ байдал гайгүй болох болов уу гэж харж байна. Нэг удаа эрүүлжүүлэхэд баригдвал 100 мянган төгрөгийн торгууль төлнө. Чадахгүй бол баривчлуулна.
-Захын дүүргүүдэд гэр бүлийн хүчирхийлэл ихтэй гэдэг. Үүнээс урьдчилан сэргийлэхэд яаж ажилладаг вэ?
-Эргүүл хийж их явдаг л даа. Гэхдээ хүмүүс өөрсдөө ойлгохгүй болохоор их хүнд. Эхнэр, нөхөр хамт архи уучихаад нөхрөө дуудаад цагдаад өгчихнө. Тэгсэн мөртөө маргааш нь ирээд нөхрөө авья гээд гуйгаад сууна. “Баривчилгаанд явуулья, шүүхэд өгье” гэхээр “Энэ минь л байхгүй бол болохгүй. Өчигдөр би уурандаа цагдаа дуудчихсан юм аа” гэдэг. Нөхрөө ингэж баривчлуулахаар дууддаг эмэгтэй Дарь-Эхэд гэхэд л 10-аад бий.
-Гэр бүлийн хүчирхийлэлтэй тэмцэх нь цагдаагийн хийх ажил мөн үү?
-Биш шүү дээ. Аж амьдралтай нь шууд холбоотой асуудал. Үүнд нь чиглэсэн ажил л хийхгүй бол хуулиар, хүчээр шийдэх боломжгүй. Зөрчлийн хууль үйлчлээд эхлэвэл бас хэцүү. Торгуулиа төлж чадахгүй хүмүүс гэртээ зодуулаад хэвтэх юм уу бүү мэд. Ойлголцоход ч хэцүү. Засрах ч шинж байхгүй, тэдэнд. Согтуу хүмүүстэй хэрэлдэнэ гэдэг хэв журмын цагдаа нарын хамгийн хүнд ажил л даа. Өвөл бол бүр хэцүү. Бага насны хүүхдүүд нь хошуу ам нь хөлдөх шахчихсан, баас шээстэйгээ хутгалдчихсан сууж байдаг юм. Бид ч согтуу хүнийг нь хурдхан аваад л гарахыг бодно. Үлдсэн ажлыг нь хорооны нийгмийн ажилтанд мэдээлээд, үлдээдэг юм.
-Хэв журмынхан ноцтой гэмт хэргүүдтэй хэр зэрэг тулгардаг вэ?
-Нэг хүн амины хэрэг гарлаа гэхэд бид хамгийн түрүүнд очдог хүмүүс. Хэргийн газрыг нэн түрүүнд хамгаалалтад авдаг. Үүний дараа мөрдөнгийнхөн очоод үзлэг, шалгалтаа хийдэг юм. Саяхан Дарь-Эхэд өмнөх өдөр нь толгой нь, дараа өдөр цээж нь олдсон ноцтой хэрэг гарсан. Шинэ, залуу цагдаа нарыг бол ийм хэрэгт ойртуулдаггүй, холхон байлгадаг.
-Төрийн дээд албаныхны айлчлал та бүхний тэсвэр тэвчээрийг их шалгадаг байх?
“Цагдаад 23 гаруй жил зүтгэхдээ баяраар гэртээ байж үзээгүй”Салбар бүрийн манлайлагчдад олгодог Монгол Улсын Засгийн газрын Хүндэт өргөмжлөлийг энэ жил БЗД-ийн Цагдаагийн II хэлтсийн Нийтийн хэв журмыг хамгаалах тасгийн Эргүүлийн цагдаа, жолооч, сургагч ахлагч Ж.Хадбаатар гардан авчээ. Хүн ардынхаа аюулгүй, амгалан тайван байдлын төлөө өргөсөн тангарагтаа үнэнч зүтгэдэг мөрдөстэй эрчүүдийн нэг Ж.Хадбаатартай ярилцлаа. -Юуны өмнө Хүндэт өргөмжлөл гардаж авсанд баяр хүргэе. Сургагч ахлагч гэж ямар үүрэг гүйцэтгэдэг хүн бэ. Хэдэн жил цагдаагийн албанд зүтгэж байж энэ албанд очдог вэ?-Баярлалаа. Сургагч ахлагч гэдэг цол өмнө нь байгаагүй. Энэ хавар батлагдсан Цагдаагийн албаны тухай хуульд шинээр орсон цол юм. Хууль ёсоор цагдаагийн албанд 16-аас дээш жил ажилласан, цагдаагийн ахлах бүрэлдэхүүнээс хэлтсүүддээ тус бүр нэг сургагч ахлагчтай болохоор шийдвэрлэсэн. Тэгэхээр манай БЗД-ийн Цагдаагийн II хэлтэст нэг сургагч ахлагч байгаа нь би.Сургагч ахлагч нарын хийх гол ажил нь ахлагч нарын дундах нийгмийн асуудлыг дээд албан тушаалтнуудад уламжлах, ахлагч нарыг сургаж дадлагажуулах үүрэгтэй.-Мөрдөсний тэмдэгт нэмэгдсэн гэсэн үг үү?-Тийм ээ. Доор нь нэг зураас нэмэгдсэн. Нийт дөрвөн зураастай. Үүгээр нь сургагч ахлагчийг танина. Сургагч ахлагчаас гадна тэргүүн ахлагч гэж нэг цол нэмэгдсэн. Энэ нь гэхдээ ерөнхий газрын хэмжээнд нэг байхаар одоохондоо яригдаж байгаа.-Та энэ салбарт хэчнээн жил ажиллаж байна?-23 жил зургаан сар ажиллаж байна. Миний төрсөн ах мөн цагдаа байсан. 1993 онд дунд сургуулиа төгсөөд Цагдаагийн академийн дамжаанд суралцаж энэ албанд зүтгэх болсон доо. Ажлын гараагаа Дипломат байгууллагуудын хамгаалалт, шөнийн эргүүлийн 808 дугаар ангиас эхэлж байлаа. Нэг сар шөнийн эргүүлд, нэг сар элчингийн хамгаалалтад гардаг. Тэндээ 1999 он хүртэл ажилласан.-Хэв журмын цагдаагийн ажлын онцлог нь юу вэ?-Хэв журмын цагдаа хүнд гэмт хэрэг мөрддөггүй. Эргүүл, үзлэг хийж, урьдчилан сэргийлэх ажил түлхүү хийдэг. Иргэдтэй хамгийн түрүүнд харьцдаг субъект. Өмнө нь хавар болонгуут бид ой, хээрийн түймэр болон шүлхий гэх мэт малын гоц халварт өвчин гарсан үед бид их дайчлагддаг байлаа. 2001 онд Дарь-Эхийн 2 дугаар хороонд шүлхий өвчин гарч, бараг сар шахуу хөл хорионд байсан шүү. Энэ бүхэн хэв журмын цагдаа нарын хүнд хүчир ажилд тооцогддог.-Иргэдтэй ойр харилцдаг болоод ч тэр үү, хэв журмын цагдаа нарыг харьцаа муутай гэх шүүмжлэл бий. Энэ тал дээр та бүхэн хэр зэрэг анхаардаг вэ?-Тийм яриа ч бий, тиймэрхүү цагдаа ч мэр сэр байгаа л байх. Энгийн иргэн ч гэсэн цагдаа харьцаа муутай гэсэн ойлголттой болчихсон, энэ муу цагдаа гэх хандлага хааяа гаргана аа. Нөгөөх нь ч би том цагдаа гээд дээрэнгүй ханддаг. Үүнээс болж зөрчил үүсдэг. Уг нь бие биедээ хүлээцтэй хандаж байвал үл ойлголцол гарахгүй байх гэж боддог.-Хэв журмынхныг хамгийн завгүй ажилладаг алба гэж ойлгодог?-Тийм шүү. Эргүүл, жижүүрээс буугаад л дараагийн хамгаалалт, эргүүлдээ гарна. Сонгуулийн үеэр л гэхэд жижүүрлэж хоносон атлаа зөөврийн санал хураалтын хамгаалалтад явсан. Сонгуулийн дараа залгуулаад л наадмын билет борлуулах газрууд, үргэлжлүүлээд наадмын талбайд хамгаалалтад гарсан даа. Ер нь сонгуультай жил ачаалал эрс нэмэгддэг. Би цагдаагийн албанд 23 гаруй жил зүтгэхдээ баяраар гэртээ байж үзээгүй. Цагаан сар, шинэ жил, наадмаар үргэлж ажилтай. Ажлын завсар зайгаар л золголтоо амжуулна.-Цагдаагийн албаны шинэчилсэн хуульд та бүхний нийгмийн асуудалд нэлээд анхаарсан зохицуулалт орсон гэж байсан. Энэ өөрчлөлт таны амьдралд хэр зэрэг мэдрэгдэж байна вэ?-Өмнөх хуулиудтай харьцуулахад сайн хууль болсон гэж ойлгож байгаа. Тухайлбал, миний хувьд ээлжийн амралтын хугацаа гэхэд бараг хоёр сар болж уртассан. Ээлжийн амралтаа биеэр эдэлж чадахгүй, сонгууль зэрэг үйл явдалд ажиллаж байгаа нөхцөлд ээлжийн амралтын олговрыг хоёр дахин нэмж бодож өгөхөөр болсон. Мөн ажил үүргээ гүйцэтгэж яваад гэмтэж, бэртсэн тохиолдолд эмчилгээний зардлыг 100 хувь улсаас даахаар болсон.Ер нь доод албан тушаалтнуудаас ч цалин мөнгөний хүрэлцээ, орон байр, зээлтэй холбоотой асуудал хамгийн их ирдэг юм. Надтай адилхан 20 гаруй жил ажилласан хүн ч гэсэн орон сууцны найман хувийн зээлд хамрагдах гээд гүйж байна шүү дээ.-Хэв журам сахиулахад албан хаагчдын хүрэлцээ хэр дутмаг байдаг вэ?-Маш дутмаг. Манай дарга нар ч хүн хүч хүрэхгүй байна гэдгийг байнга хэлдэг. Нэг хэсгийн байцаагч 3-4 мянган хүний хооронд ажиллах нормтой. Гэтэл одоо нэг хороонд нэг цагдаа, нэг хэсгийн байцаагч л байна. Хорооны хүн амын тоо 20-30, 30-40 мянга гээд янз янз.-Таны бодлоор ямар цагдааг хэв журмын сайн цагдаа гэх вэ?-Уургүй цагдааг л хэлэх байхдаа. Хүний үгийг сайн авахаас гадна муу үгийг чимээгүй өнгөрөөж чаддаг байх хэрэгтэй. Хэлсэн болгоны өөдөөс шөрвөлзөөд л байвал цагдаагийн нэр хүнд унаад л байна шүү дээ.-Танд тийм тэсгэл алдаж байсан үе бий юу?-Согтуу эмэгтэй хүн үнэхээр хэцүү. Олигтойхон бариад авах аргагүй. Гарыг нь чангахан мушгиж ч болохгүй. Тэгэхэд эрэгтэй хүнийг бол гавлаад, чирээд явчихна. Эмэгтэй хүнийг чирээд явна гэдэг хэцүү шүү дээ. Ямар тэврэлтэй нь биш. Тэгэж бол бүр ч болохгүй (Инээв).-Сүүлийн үед эмэгтэйчүүдийн дунд архидалт ихсээд байна. Эрүүлжүүлэхэд хэр их ирдэг бол?-Тийм ээ, их ирж байна. Манай хэсгийн хувьд ойролцоогоор 2-3 эмэгтэйг өглөө эрүүлжүүлэхээс авчирч байгаа харагддаг. Эрэгтэй нь 10 гаруй. Баярын үеэр нэмэгдэнэ. Харин Зөрчлийн хуулиар энэ байдал гайгүй болох болов уу гэж харж байна. Нэг удаа эрүүлжүүлэхэд баригдвал 100 мянган төгрөгийн торгууль төлнө. Чадахгүй бол баривчлуулна.-Захын дүүргүүдэд гэр бүлийн хүчирхийлэл ихтэй гэдэг. Үүнээс урьдчилан сэргийлэхэд яаж ажилладаг вэ?-Эргүүл хийж их явдаг л даа. Гэхдээ хүмүүс өөрсдөө ойлгохгүй болохоор их хүнд. Эхнэр, нөхөр хамт архи уучихаад нөхрөө дуудаад цагдаад өгчихнө. Тэгсэн мөртөө маргааш нь ирээд нөхрөө авья гээд гуйгаад сууна. “Баривчилгаанд явуулья, шүүхэд өгье” гэхээр “Энэ минь л байхгүй бол болохгүй. Өчигдөр би уурандаа цагдаа дуудчихсан юм аа” гэдэг. Нөхрөө ингэж баривчлуулахаар дууддаг эмэгтэй Дарь-Эхэд гэхэд л 10-аад бий.-Гэр бүлийн хүчирхийлэлтэй тэмцэх нь цагдаагийн хийх ажил мөн үү?-Биш шүү дээ. Аж амьдралтай нь шууд холбоотой асуудал. Үүнд нь чиглэсэн ажил л хийхгүй бол хуулиар, хүчээр шийдэх боломжгүй. Зөрчлийн хууль үйлчлээд эхлэвэл бас хэцүү. Торгуулиа төлж чадахгүй хүмүүс гэртээ зодуулаад хэвтэх юм уу бүү мэд. Ойлголцоход ч хэцүү. Засрах ч шинж байхгүй, тэдэнд. Согтуу хүмүүстэй хэрэлдэнэ гэдэг хэв журмын цагдаа нарын хамгийн хүнд ажил л даа. Өвөл бол бүр хэцүү. Бага насны хүүхдүүд нь хошуу ам нь хөлдөх шахчихсан, баас шээстэйгээ хутгалдчихсан сууж байдаг юм. Бид ч согтуу хүнийг нь хурдхан аваад л гарахыг бодно. Үлдсэн ажлыг нь хорооны нийгмийн ажилтанд мэдээлээд, үлдээдэг юм.-Хэв журмынхан ноцтой гэмт хэргүүдтэй хэр зэрэг тулгардаг вэ?-Нэг хүн амины хэрэг гарлаа гэхэд бид хамгийн түрүүнд очдог хүмүүс. Хэргийн газрыг нэн түрүүнд хамгаалалтад авдаг. Үүний дараа мөрдөнгийнхөн очоод үзлэг, шалгалтаа хийдэг юм. Саяхан Дарь-Эхэд өмнөх өдөр нь толгой нь, дараа өдөр цээж нь олдсон ноцтой хэрэг гарсан. Шинэ, залуу цагдаа нарыг бол ийм хэрэгт ойртуулдаггүй, холхон байлгадаг.-Төрийн дээд албаныхны айлчлал та бүхний тэсвэр тэвчээрийг их шалгадаг байх? Хилари Клинтон Монголд нэг өдрийн айлчлал хийсэн юм. Тэр үед би яг 808 дугаар ангид байлаа л даа. Маршалын гүрнээс Замын цагдаагийн уулзавар хүртэл манайхан хамгаалалтад гарч байсан юм. Тухайн үед тэр хавиар хэдэн намхан байшингаас өөр юу ч байгаагүй. Хилари Клинтон Их тэнгэрээс гарч Төрийн ордонд ирээд, буцаад Их тэнгэрт хүрэх хуваарьтай байв. Тиймээс өглөөнөөс эхэлж хамгаалалтад гарсан биднийг бууж болохгүй гэсэн тушаал өгсөн. Гэтэл Хилари Клинтон буцаж Их тэнгэрт очилгүй, шууд Буянт-Ухаа явчихсан байсан. Энэ бүхэнд бид хүлээж л байх ёстой хүмүүс шүү дээ. -Цаг наргүй зүтгэдэг энэ албанд таны ар талыг авч явдаг гэр бүлээ танилцуулж болох уу?-Миний гэр бүлийн хүнийг А.Гандиймаа гэдэг. Гэртээ хүүхдээ харж байна. Том нь 19 настай. Одоогоор МУИС-ийн хоёрдугаар дамжааны оюутан. Бага нь нэг ой найман сартай.-Цагдаагийн албанд ороод алдар гавьяаг тань анх үнэлж байсан хамгийн үнэтэй шагнал юу байсан бэ?-Энэ удаагийн Хүндэт өргөмжлөл л хамгийн том нь байна даа. Мөн Ардын хувьсгалын 90 жилийн ойгоор Ерөнхийлөгчийн гарын үсэгтэй ойн медаль авч байсан нь том хүндэтгэл байсан.-Баярлалаа.д би яг 808 дугаар ангид байлаа л даа. Маршалын гүрнээс Замын цагдаагийн уулзавар хүртэл манайхан хамгаалалтад гарч байсан юм. Тухайн үед тэр хавиар хэдэн намхан байшингаас өөр юу ч байгаагүй. Хилари Клинтон Их тэнгэрээс гарч Төрийн ордонд ирээд, буцаад Их тэнгэрт хүрэх хуваарьтай байв. Тиймээс өглөөнөөс эхэлж хамгаалалтад гарсан биднийг бууж болохгүй гэсэн тушаал өгсөн. Гэтэл Хилари Клинтон буцаж Их тэнгэрт очилгүй, шууд Буянт-Ухаа явчихсан байсан. Энэ бүхэнд бид хүлээж л байх ёстой хүмүүс шүү дээ.

-Цаг наргүй зүтгэдэг энэ албанд таны ар талыг авч явдаг гэр бүлээ танилцуулж болох уу?
-Миний гэр бүлийн хүнийг А.Гандиймаа гэдэг. Гэртээ хүүхдээ харж байна. Том нь 19 настай. Одоогоор МУИС-ийн хоёрдугаар дамжааны оюутан. Бага нь нэг ой найман сартай.
-Цагдаагийн албанд ороод алдар гавьяаг тань анх үнэлж байсан хамгийн үнэтэй шагнал юу байсан бэ?
-Энэ удаагийн Хүндэт өргөмжлөл л хамгийн том нь байна даа. Мөн Ардын хувьсгалын 90 жилийн ойгоор Ерөнхийлөгчийн гарын үсэгтэй ойн медаль авч байсан нь том хүндэтгэл байсан.
-Баярлалаа.

Статистик мэдээ
  • 2017 он 8 дугаар сар
    Гомдол мэдээлэл: 14177
    Гэмт хэрэг 3357
    Захиргааны зөрчил 51970
    Эрүүлжүүлэгдсэн хүн: 4561
  • 2017 оны 7 дугаар сар
    Гомдол мэдээлэл: 13305
    Гэмт хэрэг: 2856
    Захиргааны зөрчил: 52731
    Эрүүлжүүлэгдсэн хүн: 6308
  • 2017 оны 6 дугаар сар
    Гомдол мэдээлэл: 23944
    Гэмт хэрэг: 1919
    Захиргааны зөрчил: 121688
    Согтуугаар саатуулагдсан: 7312
  • 2017 оны 5 дугаар сар
    Гомдол мэдээлэл: 31733
    Гэмт хэрэг: 2267
    Захиргааны зөрчил: 134064
    Согтуугаар саатуулагдсан: 7780
  • 2017 оны 4 дүгээр сар
    Гомдол мэдээлэл: 25532
    Гэмт хэрэг: 2151
    Захиргааны зөрчил: 134071
    Согтуугаар саатуулагдсан: 7601
Эрэн сурвалжилж байна