/ Мэдээ мэдээлэл / Цаг үе үйл явдал / “ЦАГДААГИЙН МЭДЭЭЛЭЛ” НЭВТРҮҮЛЭГ ДОХИОНЫ ХЭЛНИЙ ОРЧУУЛГАТАЙГААР ҮЗЭГЧДЭД ХҮРНЭ

“ЦАГДААГИЙН МЭДЭЭЛЭЛ” НЭВТРҮҮЛЭГ ДОХИОНЫ ХЭЛНИЙ ОРЧУУЛГАТАЙГААР ҮЗЭГЧДЭД ХҮРНЭ

Иргэдийг гэмт хэрэг, зөрчлөөс урьдчилан сэргийлэх, цагдаагийн байгууллагын үйл ажиллагааг сурталчилах зорилгоор Цагдаагийн ерөнхий газрын Хэвлэл мэдээллийн төвөөс бэлтгэж МҮОНТВ-ийн 1 дүгээр сувгаар олон нийтэд хүрдэг “Цагдаагийн мэдээлэл” нэвтрүүлэг өнөөдрөөс дохионы хэлний орчуулгатай гарахаар боллоо.

Энэхүү нэвтрүүлгийг дохионы хэл рүү орчуулж буй Хөдөлмөр, нийгмийн хамгааллын яамны харьяа Сэргээн засалт сургалт үйлдвэрлэлийн төвийн дохионы орчуулагч, багш Б.Саранчимэг “Гэмт хэргээс урьдчилан сэргийлэх мэдээллийг дохионы хэл рүү орчуулан зорилтот бүлэгт хүргэж байгаадаа баяртай байна. Энэ чиглэлийн нэвтрүүлгийг дохионы хэл рүү хөрвүүлж байгаа нь том ололт. Сонсголын бэрхшээлтэй иргэд маань сонсохоос бусад зүйлийг хийж чаддаг, нүдэн баримжаагаар аливаа мэдээллийг авдаг. Тиймээс “Цагдаагийн мэдээлэл” нэвтрүүлгийг дохионы хэлээр хүлээн авснаар цагдаагийн байгууллагын ажил, гэмт хэрэг, зөрчлийн талаарх мэдээллийг авахын сацуу өөрийгөө болзошгүй эрсдэлээс хамгаалах мэдлэгтэй болж байгаа нь чухал юм” гэлээ.

Манай улсад хөгжлийн бэрхшээлтэй 100 мянга орчим иргэн байдгийн 12 мянга нь хэл яриа, сонсголын бэрхшээлтэй гэсэн тоо баримт байна.

“Цагдаагийн мэдээлэл” нэвтрүүлэг баасан гараг бүрийн орой үзэгчдэд хүрдэг билээ.

Статистик мэдээ
  • 2017 он 8 дугаар сар
    Гомдол мэдээлэл: 14177
    Гэмт хэрэг 3357
    Захиргааны зөрчил 51970
    Эрүүлжүүлэгдсэн хүн: 4561
  • 2017 оны 10 дугаар сар
    Гомдол мэдээлэл:
    Гэмт хэрэг:
    Зөрчил:
    Эрүүлжүүлэгдсэн хүн:
  • 2017 оны 9 дүгээр сар
    Гомдол мэдээлэл: 12627
    Гэмт хэрэг: 3571
    Зөрчил: 88203
    Эрүүлжүүлэгдсэн хүн: 5919
  • 2017 оны 7 дугаар сар
    Гомдол мэдээлэл: 13305
    Гэмт хэрэг: 2856
    Захиргааны зөрчил: 52731
    Эрүүлжүүлэгдсэн хүн: 6308
  • 2017 оны 6 дугаар сар
    Гомдол мэдээлэл: 23944
    Гэмт хэрэг: 1919
    Захиргааны зөрчил: 121688
    Согтуугаар саатуулагдсан: 7312
Эрэн сурвалжилж байна